معسل التفاحتين : الراعي الرسمي للفريق الوطني المغربي

     مسمعتوش آخر الأخبار؟ المعسل ذو التفاحتين !! أشهر معسّل عند الشياشين والشياشات فالمغرب, غادي يكون هو             الراعي الرسمي للمنتخب الوطني المغربي في كل الاقصائيات القادمة.

  المعلم" عوض حشيشة" صاحب أكبر معامل المعسل في مصر الشقيقة أعرب عن استعداده لاحتضان المنتخب المغربي,   وذلك فور رؤيته لصور اللاعبين ديالنا وهم يدخنون "الشيشة" في احدى المجلات الانجليزية,  وقاليك – وراسو ألف سيف-   أنه مغادي يرتاح تايشوف معسل التفاحتين مصوّر فالقميص الوطني المغربي , كما أنه تيهنأ الأبطال المغاربة اللي هزّو    بالمغاربة كلهوم ورفعو ليهم راسهم عالميا في مجال الشيشة والتدخين والقصاير.

 

    اللاعبون المغاربة أعربوا من جهتهم عن فرحهم وسرورهم  الكبيييير بهاد البادرة الطيبة ديال المعلم "عوض حشيشة", خصوصا أنهم غادين يبقاو ياخدو المعسّل فابور, ويقدرو يعاودو فيه البيع فقهاوي الشيشة,  كما طالبوا رئيس الجامعة ديال   الكرة باش يوفّر ليهوم أدوات الشيشة داخل الكواليس أثناء المباريات, وهو الأمر اللي غادين يتدارسوه في الموسم القادم.

  وفي اتصال  بالمحلل الرياضي الشهير "مستوضع", قال هاد الأخير  أن اللاعبين ديالنا متيربحوش متيربحوش يلا   لعبو بالقميص الوطني, واللهم يربحو فشي حاجة أخرى, المهم تبان صورة المغرب على المستوى العربي والعالمي, وقال ايضا   أن الشيشة ماشي ساهلة, والدليل أنه لم يسبق لرياضي عربي أنه حصل تيشيش بعد شي مباراة إلا هادو دياولنا..

  خلاصة القول : هنيئا للمنتخب الوطني..